窮出身的三個好處 — By Brian Cha 車志健

Brian Cha 車志健是一位擁有超強影響力的人物，以及亞洲其中一位高收入的演講家。他於 43 歲創辦商業顧問事業，在短短幾年間，他的學員人數已超過 26,000+人、遍佈十多個國家，平台接觸人數月達超過 4,000,000 人次。他的使命是「用雙手創造自己的命運」的理念帶到世界各地。

我想問下你… 係咪一定要讀名校先叫成功 ?係咪一定要係富二代先容易成功 ? 係咪窮就注定會失敗？No！你見到我而家好似好成功，其實你知唔知我過去嘅辛酸 ?

細細個我爹哋揸貨車，我媽咪係做車衫。我細個住木屋區，屋企係窮到連廁所都冇，大人就用公廁、小朋友就要用痰罐。冇自來水，我哋要用井水、甚至去河邊洗衫、拎水返屋企。呢個就係我童年。

咁點解我可以由一個平平無奇嘅健身教練，係短短幾年間搖身一變，成為三項《世界記錄》保持者、七本書的作家、現時甚至成為一個亞洲區最高收入嘅激勵演講家呢？

因為窮過才可以令你有呢三個好處：

1. “窮” 可以令你有志氣

咁你就不斷諗、不斷搵方法，我有啲乜嘢可以自己攞返嚟，有啲乜嘢可以係白手興家返嚟。你見唔見到個好處：由冇到有，有錢嘅人一出世乜都有，但係佢教唔到你乜嘢叫進取、乜嘢叫奮鬥、乜嘢叫夢想。如果我未試過窮，我點有咁資格話畀你聽窮出身係點樣？

2. 白手興家先有說服力，如果你出嚟嘅時候一出世乜都畀晒你…

你點樣睇你自己？人哋點睇你？朋友點睇你？你話畀人聽我揸呢部林寶堅尼我自己啱啱買嘅，但係如果你係出身好有錢嘅屋企，有啲乜嘢咁叻姐？你阿爸畀錢你揸林寶堅尼，都唔係你自己賺返嚟，有乜嘢值得驕傲？但係我唔係喎，而家我一手一腳去創造我自己想創造嘅嘢出嚟。由最低去到最高，令我對我自己好有信心，跟住你可以再孝順返你父母，呢個只有窮出身先有嘅狀況！

3. 窮先會振奮人心，你覺得由冇到有係咪好振奮人心，好激勵到身邊人？

尤其是好似我、或者好似你咁樣，又係窮出身覺得自己乜都唔得嘅、冇希望嘅，我讀啲唔係咁好嘅學校。唔緊要，你睇吓我、睇吓你，原來我哋唔需要咁多資源都可以成功！唔係淨係錢嘅問題，係當你醉心由最低去到最高嘅時候，你成個歷程係非常之激勵人心！

-Brian Cha 車志健